🗣️📣📢 வணிக வைசிய குல விளக்கம் 📝📚 - 🗣️📣📢 Vaniga Vaishya Kula Vilakkam 📝📚 - (🗣️📣📢 Description of Vaniga Vaishya Clan 📝📚)

 

🙏 வைசியர்களில் கீர்த்தி பெற்றவர்கள் 🙏

நமது வணிக வைசிய குலத்தின் ஆயிரவர்களில் பூர்வம் கீர்த்தி பெற்றவர்கள். அதாவது, நமது வணிக வைசிய குலத்தில் பிறந்து, நம் குலத்திற்கு பெருமை சேர்த்த முன்னோர்கள். அவர்களாவன:-

1) கடந்தை வாணிபன்

2) தாமந்தை வாணிபன்

3) காமக்கிழவன் வாணிபன்

4) வணங்கத்தக்க பெருமை உடைய வண்ணக்கன் வாணிபன் 

5) மேன்மை குளத்துடையான்

6) செல்வத்தால் புகழ்க்கொண்ட மருதவாணிபன்

7) தாதாரமுடையான் வாணிபன்

8) வந்தியம்மை வாணிச்சி

9) திடம் கொண்ட திருக்கச்சிநம்பி வாணிபன் 

10) கொள்ளந்தை வாணிபன்

11) குணம் பொருந்திய சோழப்பாண்டியன் வாணிபன்

12) தேவந்தை வாணிபன்

13) நாகந்தை வாணிபன்

14) இளவேட்டன் வாணிபன்

15) புகழ்பேசப்படும் பையன் வாணிபன்

16) விரிந்த சோலை சூழ்ந்த இவ்வுலகம் போற்றும் கண்ணவாணிபன்

17) நல்ல கோமலுழான் வாணிபன்

18) ஈதலினால் சிறந்த மண்டபமுடையான் வாணிபன்

19) வேட்டந்தை வாணிபன்

20) வேட்டந்தை சிட்டர் வாணிபன்

21) ஆவணிக்கிழான் வாணிபன்

22) கடவுளான் வாணிபன்

23) சாத்தந்தை வாணிபன்

24) காவிரி வாணிபன்

25) தண்டலங்கிழான் வாணிபன் 

26) கந்து கண்ணன் வாணிபன்

27) மாச்சாத்து வாணிபன்

28) கோவலன் வாணிபன்

29) மணிமேகலை வாணிச்சி

30) வைரவாணிபன் 

31) இயற்பகை வாணிபன்

32) சிவநேச வாணிபன்

33) அமர்நீதி வாணிபன்

34) திருவெண்காடார் (பட்டிணத்தார்) வாணிபர்

35) கலியனார் வாணிபர்

36) ஏலேலசிங்கர்

37) குன்றிமணி வாணிபர்

38) மங்கள தேவி கண்ணகி வாணிச்சி

39) காரைக்கால் அம்மையார் வாணிச்சி

40) கலிக்கம்பர் வாணிபர்

41) மும்மையால் உலகாண்ட மூர்த்தியார் வாணிபர்

42) எல்லாம் வல்ல இறைவன் சிவபெருமானை கணவராக அடைந்த ஸ்ரீ அன்புப்பிரியாள் வாணிச்சி

43) ஞானசிவாச்சாரியார்

44) மயிலைகிழான் கோவிந்த வாணிபன்

            

இவர்கள் அனைவரும் நமது வணிக வைசிய குலத்தில் அவதரித்த வைசியர்கள் ஆயிரவர்களில் பூர்வம் கீர்த்தி பெற்றவர்கள்.

🙏🙏🙏🙏🙏🙏🙏

வைசிய வாணிய ஆயிரவர் பிரபந்தம்

மதுரை கம்பர் ராமபத்திரபிள்ளையவர்களால் இயற்றப்பட்டது

வைசிய புராணத்தில் உள்ளபடி

 

"வைசிய வாணிப ஆயிரவர் மாலை"

&

"வைசிய வாணிய கைவளம்"

 

மதுரை வடக்கு லயன் தெரு வைசிய வாணிய

நாகந்தை மகரிஷி கோத்திரம்

சொ.கூ. பழனியப்ப செட்டியாரால்

பார்வையிடப்பட்டது.

 

 மதுரை செல்லாத்தம்மன் கோவில் தெரு

வைசிய வாணிய மயிலை கிழான் மகரிஷி கோத்திரம்

ம.லெ. வெங்கிடாசலம் செட்டியார்

ஷை வைசிய வாணிய இலுப்புடையான் மகரிஷி கோத்திரம்

சி.ப. சித்திரபுத்திரஞ் செட்டியார்

இவர்களின் வேண்டுகோளின் பேரில்,

 

மதுரை வடக்கு லயன் சிம்மக்கல் தெருவிலிருக்கும்

வைசிய வாணிய மயிலை கிழான் மகரிஷி கோத்திரம்

மு.கோ. மாரியப்ப செட்டியாரால்

அச்சிடலாயிற்று.

 

மதுரை புதுத் தெரு

கே. ஆர். ரெங்கனாதம் அண்ட் பிரதர்ஸ்

அச்சுக் கூடத்தில் பதிப்பிக்கப்பெற்றது

வருஷம் - 1910

"வைசிய வாணிப ஆயிரவர் மாலை"

🙏 வினாயகர் காப்பு 🙏

சீர்த்தி மாலைத் தினந்தொழு தன்புறும்

ஆர்த்தி மாலையா யிரம்பேர்கள் தன்

கீர்த்தி மாலை கிளர்த்த வினாயக

மூர்த்தி தாளை முடிக்கணிவாமரோ. 

சகந்தருவா யென்றயனைத்தா மோதரன் பார்த்து

மகிழ்ந் துரைக்கத்தான் படைத்தமாமலெரென் றான்முகத்தில்

இகந்தழைக்க வந்தாரெழிற் மறையோர்மென் புயத்தில்

மிகுந்தவு லகாழுமுடி வேந்தர் பிறந்திட்டனரே (1)

 

அன்னான் றுடையிலருள் வணிகனென் றுரைக்கும்

மின்னார் நூன்மார்பன் மிளிர்வக்குவன் பிறந்தான்

பொன்னரும்பாத மதிற்போந்தனர் வேளாளர் தில

நன்னாவலர் புகழும் நல்வக்குவ முனிவன் (2)

 

வானவரில் மேலாக வாய்ந்தெதவம் புரிந்தான்

ஈனமறுந் தக்கனென் போனீன்ற யிருபத்தேழு

மீனவளி மானாளை வெண்ணிலா வுக்கீய

தானவனங் கோரிரண்டுதார் குழல் மேலின்ப முற்றான் (3)

 

கார்த்திகை மேல்ரோகணிமேற்காதல்மிகுந்தெங்கள் சுகம்

பார்த்திலனென் றேங்கியந்தப் பாவையர்கள் தந்தையிடம்

வேர்த்துரை க்கத்தக்கன் வெகுண்டு மதியைப்பார்த்து

ஆர்த்துங் கலைகளழிவா யெனப் பயந்தே (4)

 

தன்குறையைச் சொல்லியரன்றன் றலையிலூற்றிடு நாள்

மின்பரவும் பூவுலகில் மிக்கவிருளாய்ப் பரவ

பொன்பரவு மீசனிடம் புங்கவர்கள் போயுரைக்க

வன்பரவு மன்மதனை வாவென்ற ருகளைத்து (5)

 

வக்குவ மகாமுனிவன் மாதவசைப் போயழித்து

இக்கணம் வாவென்ன வெழுந்தவன் போய்த்தானழிக்க

மிக்கமதனை வெகுண்டு பரமேஸ்பர ன்றன்

அக்கினிக்க ண்ணாலளி வாயங்கசாவென் றுரைத்தான் (6)

 

வெள்ளி மலைச்சென்று பரமேஸ்பரனை போற்றிடவே

புள்ளிமா னேந்தும் புனிதனிவை கூறலுற்றான்

தெள்ளிய சீர்பெற்ற திரள்வணிகமாக்கள் தனை

பிள்ளைகளா யிவ்வுலகில் பெற்றருள்வா யென்றுரைக்க (7)

 

தெற்பையோ ராயிரத்தைச் சீர்வணிக றாப்படைக்க

முப்புரிநூல் தண்டுடனேமூறுங்க மண்டலமும்

செப்பும் பவித்திரமுஞ் சீராய்த் துலங்கிடவே

யிப்பு வியில்வந்தாரெழில் சேர்தில வணிகர் (8)

 

உதித்த புதல்வர் தனக்குற்ற திருநாமமிட்டான்

மதித்த திருமால் மலமுறுட்டி யெள்ளாக்கி

கதித்த புதல்வரிருகை மீதிலே கொடுத்தான்

துதித்த சிவன்மாலு மிசை தோன்ற மணிச்செக்காக (9)

 

கொடுத்தா ரெண்டிக்காளுங் கோலதிக்குப் பாலகரும்

அடுத்தார்கள் மற்றவணிகரு வியாகிய பின்

தொடுத்த துளாய்யெம்பெருமான் றூயதருமச் சேவை

இடுத்த மறவாணி பருக்கீய்ந்து புகழ்ந்திட்டனனெ (10)

 

சந்திரனுஞ் சூரியனுந் தட்டாகினார் வசுக்கள்

அந்தமிகுந் துளைக் களானார்கள் மாருதமும்

வந்துநடு நாவாக வாய்மைபெறு மக்கினியும்

சிந்தைமிகு ங்குண்டலமாய்ச் சேர்ந்தார் வணிகரிடம் (11)

 

ராசிபனி ரெண்டும் நவின்ற படிக்கல்லாக

வாசமிகு நட்சேத்திரம் வாய்ந்த யிருபத்தேழும்

தேசம கிழச்சிறந்த பணியா ணியென

மாசகன்ற வாணிபத்தை வாணுபர்கைக் கொண்டனரே (12)

 

கைமாத்திரைக் கோலுங்கங் கணமும் பொக்கணமும்

மெய்வைப் பிரணவமு மிக்கவோரஞ் செழுத்தும்

செய்மை திகழ்கின்ற திலாக்கோல்தனைச் சிவனும்

பொய்மையற்ற வாணிபற்குப் புந்திமகிழ கொடுத்தான் (13)

 

ஆர்த்திபெருகின்ற பம்பையாற்றை வருணன் கொடுத்தான்

கீர்த்தி நிருதியுங் கிஸ்கிந்தா சலங்கொடுத்தான்

காத்தபிரமன் கமலக் கண்டிகைத்தேரைக் கொடுத்தான்

வாய்த்த திருமாதுபங்கன் வைகுந்த நாட்டுடனே (14)

 

ஓங்குகருடக் கொடியுமுள்ள ன்பினால் கொடுத்தான்

தேங்குமுத்தரா பதியைச் செய்யநிதிக்கோன் கொடுத்தான்

தாங்குமலர்ச் செந்தோன்றித்தாரை முருகன் கொடுத்தான்

பாங்குபெறு மைங்கரத்தோன் பாசங் கொடுத்தனனே (15)

 

தேவர்கோ னென்போன் செயவாரணங் கொடுத்தான்

மாவரு நற்சந்திரன் மடிச்சேலை தந்தனனே

வாவுபவனன் கலினமருதமன் பாய்க் கொடுத்தான்

தாவுநமனி வர்க்குத் தண்டாயுதங் கொடுத்தான் (16)

 

பருதிமகி ழ்ந்தன்பாக பஞ்ஞாங்க மாமுரசம்

விருதுதிசை முக்கியவேழ முந்தந்தான் கனலோன்

கருதுநவ ரத்தினங் கணக்கிலாமற் கொடுத்தான்

இருதயமுற் றேவணிகரிங் கிவையெல்லாம் பொருந்தி (17)

 

தேவர்நிதிக் கோன்றவத்திற் சென்றரு ளீரைஞ்ஞூறு

பூவையரைக் கல்யாணம் பூராயமாய் முடித்து

மாவருதொண்ணூத்தி யென்பான் மான கரிலிங்கிவரைக்

கோவலர்கள் கொண்டாடக் குடியேத்தி வைத்தனரே (18)

"வைசிய வாணிப ஆயிரவர் மாலை"
🙏🙏🙏

🙏 "ஆயிரவரில் கீர்த்தி பெற்றவர்களின் பெயர்" 🙏

1வது கடந்தை வாணிபன் சரித்திரம்

செற்றலர்கள் வாழுந்திரி புறத்தை வெல்லவரும்

பொற்றொடியாள் பாகன் பொருந்தேருருள் நெறிவ்

வெற்றிமத மாவினுக்கு மேலோனருள் பூசைக்

குற்றப்பொரு ளீந்தானுயர் கடந்தை வாணிபனே (19)

கடந்தைவாணிப மகரிஷி கோத்திரன் ஈஸ்வரன் திரிபுராதிகளை சம்மாரம் செய்த காலத்தில் வினாயகர் பூஜைக்கு வேண்டிய நைவேத்திய சம்பாரங்களை கொடுத்து அவர் அருளைப்பெற்றான்.

 

2வது தாமந்தை வாணிபன் சரித்திரம் 

மிக்ககொடுஞ் சூரர்களை வெல்லவரும் வேல்முருகன்

பக்கத் துணையாய்ப் படைகூட்டி வாருதியில்

கொக்குருவச் சூரனையுங் கொன்றிடச் செய்தெந்தைபுனை

தக்கமலர் மாலை பெற்றான்ற மந்தைவாணிபனே (20)

தாமந்தைவாணிப மகரிஷி கோத்திரன் சுப்பிரமணியர் சூரபத்மாவை சம்மாரம் செய்த காலத்தில் அவரின் கூடப்போய் அவருக்கு வேண்டிய பணிவிடையை செய்து பின்னர் செந்தோன்றி மாலையைப் பெற்றான்.

 

3வது காமக்கிழவன் சரித்திரம் 

இருநாளிநெற்கொண்டிறைவனுறைதப்பாமல்

மருவாரறம் வளர்த்த மாதாவின் சொற்படியே

ஒருநாளிகைப் போதிலோர்ந்து பணி செய்துமையாள்

கிருபைபெற்றான் காமக்கிழவன் என்னும் வாணிபனே (21)

காமக்கிழவ மகரிஷி கோத்திரன் காஞ்சிபுரத்தில் உமையவள் தபசு செய்த காலத்தில், அவருக்கு வேண்டிய சாமக்கிரியங்களைக் கொடுத்து அருளைப் பெற்றான்.

 

4வது வண்ணக்கன் சரித்திரம்

ஓங்கிய மார்க்கண்டனுக் காயுற்றயமைப் பரமன்

தேங்கிய காலாலுதைக்ச் செற்றவன்றன் பேருடலை

யாங்கெடுத்து யீசனருளாற் பின்னுயிர்த் தியாகம்

வாங்கியவனுக்கு கழித்தான் வண்ணக்கன் வாணிபனே (22)

வண்ணக்கன் மகரிஷி கோத்திரன் திருக்கடையூரில் மார்க்கண்டேயருக்காக பரமசிவன் இயமனை உதைத்த காலத்தில் இயமனை அபயங்காத்தவர் அருளைப் பெற்றான்.

 

5வது குளத்துடைய வாணிப சரித்திரம்

மூவேந்தர்க்கும் முடிக்கணியச் சோதி ரத்தினம்

தேவேந்திரனி ரவிசீத மதி மூவரிடம்

மாவேய்ந்த வேலோன் மயூரமுடன் போர்வாங்கிக்

கோவேந்தர்க் கீய்ந்தான் குலத்துடைய வாணிபனே (23)

குளத்துடைய மகரிஷி கோத்திரன் சேரன், சோழன், பாண்டியன் இம்மூவருக்கு முடிசூட்டும் பொருட்டு இந்திரன், சூரியன், சந்திரன் இம்மூவர்கையில் பவளம், முத்து, கெம்பு, வாங்கிவந்து கொடுத்தவரால் கீர்த்தி பெற்றான்.

 

6வது மருத வாணிபன் சரித்திரம் 

மருகனுக்குநல்கவளர்த்தமகளைச் சோழன்

அருகனெனக் கேட்கவுடன் றானாயைப் பந்தரின்கீழ்

யிருகப்பிணித் தேகியீசர் தனக்கன் பகலாத்

திருவைக் கொடுத்தான்றி கழ்மருத வாணிபனே (24)

மருதவாணிப மகரிஷி கோத்திரன் காஞ்சிபுரத்திலிருந்து தன்பெண் அன்புப்பிரியாள் அம்மையை திருவிடைமருதூர் ஈசனுக்கு திருக்கல்யாணம் செய்தவரருளைப் பெற்றான்.

 

7வது இதுவுமது

கரவாறன் கன்னிகையைக் கொள் மருதீசரென

உரவோரறி யாதுழன்று யர்ந்து பின்றெளிந்து

பரவியருள் பெற்றார்ப் பைந்தொடியாற் சோழனென்போன்

குரவில் வணிநாதன் மேற்கோபித் ததனாலே (25)

 8வது இதுவுமது 

பலதிசைகள் தோறும் பரவினார் பற்பலர்கள்

குலதரு மத்திற்சிறந்து கூற்வணிக மாக்களென்போர்

நலமிலகும் பூவுலகில் நாங்களெனவே மருதூர்த்

தலமிகு மீசரிடத்த ய்யலிடஞ் சென்றனரே (26)

 

9வது இதுவுமது

அன்புபிரியா ளென்ற ழைக்கும் பலபேரும்


துன்புடையார்க் வொன்றுஞ் சொல்லா திருந்தனளே


முன்புநின்று வாணிபர்கள் மூன்றுமுறை தானழைக்க

யென்புதல் வரென்று மகிழ்ந்தீஸ்பரியும் பேசினளே (27)

10வது தாதாரமுடையான் சரித்திரம் 

கான்கொடுத்த ஏனல்வனங்காத் திருந்தவள்ளி தனைத்

தேன்கொடுத்த நீபமலர்த்தேவன் மணஞ் செய்வதற்கு

வான்கொடுத்த எப்பொருளும் வாகாய் வரவனத்துத்

தான்கொடுத்து மேன்மைபெற்றான் தாதார வாணிபனே (28)

தாதாரமுடையான் மகரிஷி கோத்திரன் சுப்பிரமணியர் வள்ளி மலையில் வள்ளியம்மன் திருக்கல்யாணத்திற்கு வேண்டிய சாமக்கிரயங்களை கொடுத்தவ ரருளைப் பெற்றான்.

 

11வது வந்தி வாணிச்சி சரித்திரம் 

தென்னனுரை தப்பாமற் சீர்பொருந்துங் கூடற்தனிற்

றன்னவனாய் வந்துவகைகை தானடைத்த சொக்கருக்கு

முன்னுதிர்ந்த பிட்டருளிமுத்தி பெற்றாள் மூவுலகில்

ஈன்னயஞ் சேர்வந்தியென நாட்டும் வணிகத்திருவே (29)

மண்ணுடைய மகரிஷி கோத்திரன் மனைவி வந்தியமை மதுரையில் பாண்டியன் தனக்கு ஆற்றை கட்டவிட்ட பங்கிற்காக பரமசிவன் கூலியாளாக வர உதிர்ந்த பிட்டுக்களைக் கொடுத்தவ ரருளைப் பெற்றாள்.

 

12வது திருக்கச்சி நம்பிகள் சரித்திரம் 

ஒருபாலனோடு கச்சிக் குற்றியதேப் பெருமாள்

இருபாதம் போற்றிவரு மெல்லைதனிற கூடவந்த

அருளாளனை யழைக்க வன்றறி யொன்றீபமுடன்

வருபுகழ் பெற்றார்கள் வசிய கச்சிநம்பிகளே (30)

நர்ப்பாகிளான் மகரிஷி கோத்திரன் திருக்கச்சி நம்பி காஞ்சிபுரத்தில் வரத ராஜப் பெருமாளுக்கு புஷ்பத் திருவால வட்ட கைங்கரியங்களைச் செய்து அவரருளைப் பெற்றான்.

 

13வது கொள்ளந்தை வாணிபன் சரித்திரம் 

தொடுத்தாரணி சோழன் சூடுமகுடந் துலக்க

அடுத்தே கருடனைக் கண்டஞ்சலி செய்தாடாலின்

இநித்த மறகாத்து மணியேற்றியவனுக் குரைப்போற்

கொடுத் தெவரினுஞ் சிறந்தான் கொள்ளந்தைவாணிபனே (31)

கொள்ளந்தை மகரிஷி கோத்திரன் சோழராஜன் விர்பிடி மணி வேண்டுமென்று கேட்க கெருட பகவானை பாதாள லோகத்திற்கு அழைத்துக் கொண்டுபோய்  ஆதிசேடனிடத்தில் விர்பிடி மணி வாங்கிக் கொடுத்து கீர்த்திப்பெற்றான்.

 

14வது சோழ வாணிபன் சரித்திரம் 

அடைக்கல மென்றே தியபுட்காக வோர்வேடனுக்குத்

தொடைக் கலங்கொள்கின்ற சிபிசோழனார் தன்தசையை

படைக்கலத் தினாலறிந்து பற்றையெண்ணா துற்றமுறை

இடைக்கல மிலாநிறுத்தான் யேர்சோழ வாணிபனே (32)

 

15வது தேவந்தை வாணிபன் சரித்திரம் 

நீபமுற்ற வேலவன் போல்நீடுலகையாண்டுமகச்

சோபமுற்ற சோழனருள் தோகை மனங்கொண்டு பின்னும்

தாபமுற்ற ரங்கர் மனந்தான் மகிழ்க்கற்பூர

தீபமிட்டுக் கீர்த்திப் பெற்றான் றேவந்தைவாணிபனே (33)

 

16வது நாகந்தை வாணிபன் சரித்திரம்

கப்பலின் மேல்ச்சென்றர வக்காவலவன் கன்னிகையை  

உற்பனமாய் வேட்டிசைக ளோதுமவ்வையார் மகிழ்ப்

பொற்படா முங்கலனும் பொன்மாரியுஞ் சொரிந்து

நற்புவியில் கீர்த்திபெற்ற நாகந்தை வாணிபனே (34)

 

17வது இளவேட்ட வாணிபன் சரித்திரம் 

நாடியள கேச நராதிபன் பாற்கொடுத்த 

பாடிதனை வாணிபன் பாடியெனச் செய்ததனில்

தெடியகர் மாந்தகர்க்கோர்  செய்பொன் மணிக்கோயில்செய்தான்

யேடவிழ்தார் மார்பனிள வேட்ட வாணிபனே (35)

 

18வது பைய வாணிபன் சரித்திரம் 

முருகியலும் பூந்தார் முடிச் சோழன்றுன்பமற 

பெருகிவருங் காவேரிப் பேராறு டையாமல்

அருகுனிற் பஞ்சாற்கரை யிட்டன்பானகீர்த்திப் பெற்றான்

பொருவிலு லகேழும் புகழ்ந்த பையவாணிபனே (36)

 

19வது கண்ண வாணிபன் சரித்திரம் 

பொன்பற்றி வேளாளன் புத்திரனுக் கஞ்சல்புரிந் 

தின்பெற்ற மாதவத்தா லீன்றசிறு பாலகனை

மின்பெற்றவாள் முனையில்மீனவன் முன்னேற்று நின்றான்

வன்பெற்றொரு சொல்வளங்கு கண்ண வாணிபனே (37)

 

20வது கோமலுழான் வாணிபன் சரித்திரம் 

சூடியபூந்தார் மகுடச் சோழனிடம்போய் வணங்கி

நாடியகன்றும் பசுவும் நல்லெருது மேய்வதற்காய்

நீடியகன்றாப் பூரைநீயரு ளென்றே விலையாய்க்

கோடி பொன் தந்தேற்றான் கோமலுழான் வாணிபனே (38)

 

21வது மண்டபமுடைய வாணிபன் சரித்திரம் 

முன்செழியன்றந்தமுடக்குமணியைச்சோழன்

இன்புவியில் நீங்களினிக் கோத்தரு ளுமென

நன்புறுமோர் சிற்றெறும்பால் நாடியதைக் கோர்த்தீய்ந்தான்

அன்புபெறு மண்டபமுடைய வாணிபனே (39)

 

22வது வேட்டந்தை வாணிபன் சரித்திரம் 

மதயானைக் கன்றும் மழைநாடும் சோழனிடம்

இதமாய் நவமணி தந்தேற்றிரட்டை வாணர்சொலுஞ்

சதமான பிள்ளைத் தமிழுக்கருளி மேன்மைபெற்றான்

விதமாதவர் புகழும் வேட்டந்தை வாணிபனே (40)

 

23வது வேட்டந்தைச்சிட்டர் வாணிபன் சரித்திரம்

தேட்டமிகுஞ் சொற்பணத்திற் செங்கண்மால் வந்துசொன்ன

காட்டமறசெய்து பணிகண்டொருவன் கண்ண கன்ற

வாட்டமறவோற் நயனமால்தரத் தானென்று தந்தான்

வேட்டந்தைச் சிட்டரென மேவுமோர் வாணிபனே (41)

 

24வது ஆவணிக்கிழான் வாணிபன் சரித்திரம் 

பூவுலகாழ் சோழன் புகலமத யானைதனை

வாவுகடற் கப்பல்தனில் வைத்தெவருங் கொண்டாட

நீவுநிரை பார்த்துரைத் தாணீளவக்குவன் மரபில்

ஆவணிக் கிழானெனப் பேரான புகழ்வாணிபனே (42)

 

25வது கடவுளாவாணிபன் சரித்திரம் 

நாட்டும் நவகோடி நாராயண னெனப்பேர்

சூட்டுமொரு சோழன் சொற்கா களவிருதை

நீட்டுந் தனதுநிதிப் பெருக்காற் பெற்றிருந்தான்

காட்டு மிகல் வீட்டுங்கடவுளா வாணிபனே (43)

 

26வது சாத்தந்தை வாணிபன் சரித்திரம்

ஆச்சிரா மத்தில மர்தருளு மீசர்க்கு

வாச்சபுலிக் கொடியோன் வாய்ந்துசெய்த பொற்கடத்தை

மாச்சரியம் வாராமல் மாற்றுமீரைந்து சொன்னான்

தாச்சானிய மேகுடிகொள் சாத்தந்தை வாணிபனே (44)

 

27வது காவேரி தலையரிந்துகொண்ட சரித்திரம்

பாகாருந்தோழனொருபாவை மனங்கொள்வதற்கு

வாகாய் வரங்கொடுத்த மாகாளி கோயில்தனில்

தேகாபி மானமற சென்றுதலையைத் துனித்துக்

காகாதி கொள்ளவைத்தான் காவேரி வாணிபனே (45)

 

28வது தண்டலங்கிழாவாணிபன் சரித்திரம் 

மன்னன் மகனோடு சொற்றவாய்மையினால் மன்னன்முன்

பன்னுதலை வேறுடலிற் பற்றனெறி யல்லவென

அன்னவனால் நீதிமுறை யாருயிருன்னோர்க் களித்தான்

உன்னுதண்டலங் கிழனோங்கு புகழ் வாணிபனே (46)

 

29வது சிந்தாமணி பெற்ற சரித்திரம்

பேசரியதக்க முனிபேசு மிசையாற் சிறந்து

மாசகலுஞ் சிந்தாமணிப் பிரபந்தம் புனைந்தான்

தேசமகிழ்ச் சந்தன்சேயை மகனாய் வளர்த்துக்

காசினியில் மேன்மை பெற்றகந்து கண்ணவாணிபனே (47)

 

30வது சிலப்பதிகாரங்கொண்ட சரித்திரம்

மாதவியாற் செல்வமறமா மதுரையிற் சிலம்பால்

காதுபட்டுக் கண்ணகியால்க் காமதுரையைக் காய்ந்து

தீதுபடா தோங்குஞ் சிலப்பதிகாரம் படைத்தான்

மாதவஞ்சேர் கோவிலவ மாசாத்து வாணிபனே (48)

 

31வது மணிமேகலை ஆயிரத்தொரு கோத்திரம் பெற்ற சரித்திரம் 

மாதவியார் கோவிலர்க்கு வந்தமணி மேகலையாள்

ஓதுகின்ற கற்பாலொரு குடிப்பெற் றோங்கியதால்

யேதமற வோராயிரத்தி யொரு கோத்திரமென

ஆதரமாய்ச் சொன்னா னருள்சுல வாணிபனே (49)

 

32வது காவேரிகுண்டலகேசி பெற்ற சரித்திரம்

பாய்பரியின் மீதேரிப் பாண்டியன்முன் சோழனுக்காய்

வேய்மணி பொற்பந்தை நிலம்வீழாதடித்து வென்று

யேய்குண்டலகேசி யென்ற தமிழ் வாய்மைகொண்டான்

காய் வேற்கர தலத்தான் காவேரி வாணிபனே (50)

 

 33வது வைரவாணிபன் வளையாபதி பெற்ற சரித்திரம் 

மற்றோர் வருண மயிலை மணந்தேதமது

உற்றோர் வெறுக்கவகன்றோர் பாலனாங் கவடான்

பெற்றாள்பின் காளிசொலால் பேர்பாதிப் பங்கீய்ந்தான்

வெற்றிவளையா பதிநூல் வெய்வயிர வாணிபனே (51)

 

34வது இயற்பகை வாணிபனார் சரித்திரம் 

வாய்ந்தோர் முனிபோல் வருமால் விடையார்க்கு

தோய்ந்தார் மனைவி என்னுந்தோகை மயில்போல்பவளை

ஆய்ந்தோர் மகிழயிந்த வம்புவிவானம் புகழ

ஈய்ந்துபதம் பெற்றானியற் பகையாம் வாணிபனே (52)

 

35வது சிவநேசவாணிபன் சரித்திரம் 

வெத்தியுறுஞ் சீகாழிவேதியர்க் கென்றே குறித்த

உத்தமி பாம்பாலிறக்க வோங்குமுருவாய்ச் சமைத்து

புத்தி சொல்லிச்சீகாழிப் புண்ணியன் சென்றானதற்பின்

சித்திமுத்தி பெற்றான் சிவநேச வாணிபனே (53)

 

 36வது அமர்நீதி வாணிபன் சரித்திரம் 

கோதையொரு பாதியுருக் கொண்டுசிவன் சோதனையால்

ஓதுமொரு கோவனத்துக்குள்ள பொருள்யாவும் வைத்து

மாதுமகன் றானுமணித்தாம சேரி முத்தி

ஆதாராமாய்ப் பெற்றா னமர்நீதி வாணிபனே (54)

 

37வது பட்டணத்துப்பிள்ளையாராகிய வாணிபன் சரித்திரம் 

கோதிகத்து வாழ்வெனவே கூரிய செல்வந்துரந்து

மாதகத்தில் வைத்த மணிகண்டனைப் பாடி

தீதகத்தி மேன்மைத்திரு வொற்றியூ ரடைந்தான்

பேதமறும் பட்டணத்துப் பிள்ளையெனும் வாணிபனே (55)

 

38வது கலிநீதிவாணிபர் சரித்திரம்

மருவிளக்குங் கொன்றையணி மாதேவர் சன்னிதியிற்

திருவிளக் கிட்டன்பு சிறந்தொரு நாளெண்ணெயின்றி

தருவிளக்குந் தன்கொழுப்பைத்தா னெடுக்கில் முத்திபெற்றான்

கருவிளக்குந் தூயக் கலிநீதி வாணிபனே (56)

 

39வது ஏலேலச்சிங்கர் வாணிபன் சரித்திரம் 

ஓலமிடும் போர்க்கருளு மொற்றியூருற்ற சிவன்

சீலமிகும் வேதியன் போற்தியாக மருளென்றபடி

கோலமிகு ரத்தினங் கொடுத்துயர்ந்த வீடுபெற்றான்

ஏலேலச் சிங்கரெனவே யியம்பும் வாணிபனே (57)

 

40வது குன்றிமணி வாணிபன் சரித்திரம் 

ஓதுமொற்றியூ ரிரையோனுச் சமத்திற்றம் தமரோர்

ஏதமறந்த யெண்ணெயிட்டு மவை போதாமல்

மோது நீராளொளியை மூரிடச்செய்தின் பமுற்றான்

கோதைய ரனைப்பணியுங் குன்றிமணி வாணிபனே (58)

 

41வது புராண ஞானசிவாச்சாரியார் சரித்திரம் 

ஊனமுறுஞ் சென்னியினா லோங்குகுல தர்மமதை

ஈனமுற செய்தயர்ந்த எள்வாணிபர் தமக்கு

வானுறு பூணூலுமணிமந்திர முந்தான் புகன்றான

ஞான சிவாச்சாரி நாதனெனு மாதவனே (59)

 

42வது மாலைப்பிரபந்தம் நிறைவேறும்படி கேட்டுக்கொண்ட மயிலைகிழான் கோவிந்த வாணிபன் சரித்திரம் 

தங்கள் குலத்தோர்கள் பெற்றதக்க பெருங்கீர்த்திதனை

பொங்கு மெழில்மாலை புனையெனக் கேட்டின்பமுற்றான்

மங்களஞ் சேர்க்கின்ற மயிலைகிழான் கோத்திரத்தான்

கொங்கலர் சேந்தோன்றிமலர்க் கோவிந்த வாணிபனே (60)

 👉 - வைசிய வாணிப ஆயிரவர் மாலை முற்றிற்று - 👈

🙏🙏🙏🙏🙏🙏🙏

" வைசிய வாணிய கைவளம் "

வெண்டா மரையில் விளங்கும் பிரமன்றுடையில்

உண்டான வகுவராலுதித் திடுங்கை – வண்டாருந்

துளபமணி மாயன் றூய்மலமெள் நெய்யால்

ஒளிசோதி யருளுமென வொற்றிடுங்கை – அளிமிகுந்து

திலமர்த்தனஞ் செய்து திகழொளியை யுலகவற்கு

பலநன்மை யடையவருள் பாக்கியக்கை – சிலைநுதலார்

இன்னல் தவிர்க்க யிடுமழகு செய்வதற்கே

சொர்ன நிறுத்தேதுலை தூக்குங்கை – மன்னர்முடி

சூட்டுங்கை யாழிசுமக் குங்கை யொன்னலரை

யோட்டுங் கையஞ்ச லென்றேதுங்கை – நீட்டமுட

னண்பாற் குழைத்திடுங்கை யாகமத்தி னல்லோரைப்

பண்பாக்கும் பிடுங்கை பார்மீதி - லின்பமுற

செம்பொனளித்திடுங்கைசெய்யனலமேயருள்கை

யம்புவியின் மீதிலர சாளுங்கை – செம்பொருளாம்

விக்நேசன் பூசைக்கு வேண்டிய முதீந்திடுங்கைத்

தக்கசெந் தோன்றியணி தாரிருங்கை – மிக்கபுகழ்

அன்னையுமை பூஜைக் கருளுங்கை மார்க்கண்டன்

றன்னைப் பற்றெமனையுந் தாங்குங்கை – நன்னயஞ்சேர்

வில்லுறழ் விற்பிடியாமென் மணியை யீயுங்கை

புல்லருற தவனைப் போக்குங்கை – மல்லலணி

பூவாரு மின்னனைய பொற்றொடியைச் சம்பரமமாய்ச்

சேவேறு மீசர்க்குச் சேர்க்குங்கை – மாவேறு

மீசற்கோ தாரையியல் பாயளித் திடுங்கை

தாசர்புகழ் சம்பந்தஞ் சாருங்கை – மாசகன்ற

அத்திகிரி வரதராஜர் வரேதிரே

வெற்றிகிரி யாலவட்டம் வீசுங்கை – நித்தம்

இரவிலெழு மாதித்த னென்பேர் பெறுங்கை

மருவுதிரு வாசலுற வாழுங்கை – அருமைப்

புறாவுக்காய்ச் சோழன் புறசையை வெட்டித்

தூறாய்த் தட்டிலே நிறுத்த தோட்கை – யறாவழகார்

மாயனெடுமாலுக்கு வண்மை பெறந்தர்பூரத்

தூயமுறுந் தீபமிட்ட சொர்னக்கை - நேயமுடன்

பொற்படா டவ்வைக்குப் போர்த்துங்கை மற்புயடோள்

எற்கவாணியம் பாடியேற்றி டுங்கைச் – சொற்கரிய

பாவாணியெளவையார்பாமாலைப்பாடுங்கைக்

காவேரியாறுகரைகட்டிடுங்கை – நோவாமற்

பொன்பத்திப்புத்திரனைப்போற்றித்தன்புத்திரனை

யின்புற்றுவாளெதிரேயீயுங்கை – நன்சொற்கோர்

கோமலுழான்குதிரையாவாராஞ்செய்யுங்கைக்

கூன்முடக்குமாணிக்கங்கோத்திடுங்கை – மாமருவும்

வேழத்திடை மதித்து வீறுபெறும்வெற்றிக்கைச்

சோழனருள்காளாந்துலங்குங்கை – மாழையா

நாமக் கடாரமுறை நாட்டுங்கை நாவலவர்

பூமவெனத் துதித்துப் போற்றுங்கை – காமனுக்காய்த்

தாம முடியரிந்து தங்குமா காளியெதிர்

நேம மணிப்பீட நிறுத்துங்கைப் – பூமியினில்

வெற்றியு வகைபெற விண்ணோர் களுந்துதிக்க

யுற்றதலை வாழ்க்கை யோதுங்கை – சித்திபெறு

மாலருளால் கண்கொடுத்து மகிழ்ச்சிபெற நாவலற்க்குச்

சாலவள நாடுகரி தந்திடுங்கை – மேலான

தென்னவனான மீனவனைச் செண்டாடி வென்றிடுங்கை

மன்னு பஞ்சகாவியங்கள் வாழ்த்துங்கை – மின்னுமெழில்

ஏலாச் சிலப்பதிகார மியல்பாக நல்வளமை

……மதிலே படைத்த நாயகக்கை - மாலார்

……வாணிபன் வேளாளனுக் காயிரத்திற்

பயனுறவே பாதி பகருங்கை – வயலமிகு

மங்களஞ் சேர்துங்கமுறும் வம்சமெனத் தோன்றுங்கை

எங்கெங்குங் கீர்த்தி யெழுதுங்கை – சங்கநிதி

தோற்குங் கைவெல்லுங்கை தொல்லுல குளோர்வந்தே

ஏற்குங்கைத் தாம்பிறர் பாலேறாக்கை – தீர்க்கமுள்ள

பேறுற்ற சோழனொரு பெண்கேட்கப் பந்தலிலே

மாறுற்ற நாய் கட்டிவைக்குங்கை – வீறுடனே

கற்றவர்கள் போற்றுங்கை கம்பர் திருக்கோயிலெல்லாங்

குற்றமறப்பொன்னாக் கொடுக்குங்கை – யுற்றகலி

நீக்குங்கைநின்று நிலைக்குங்கை நீடூழி

காக்குங்கை வாணிபர்கள் கை.

👉 - வைசிய வாணிய கைவளம் முற்றிற்று - 👈

🙏🙏🙏🙏🙏🙏🙏

நாம் அனைவரும், "வக்குவ மரபினரும்", "ஆயிரங்கோத்திரவருமான", "வணிக வைசியர் வாணியர் செட்டியார் குலத்தினர் / சமூகத்தார்கள்" 

என்பதை என்றும் மறவாதீர்கள். சந்ததினருக்கு மறவாமல் சொல்லுங்கள்.   🙏

வாழ்க வளர்க வளமுடன் பல்லாண்டுகள் என்றென்றும்.....🙏

🙏எல்லாம் வல்ல இறைவன் ஸ்ரீ பிரளயகாலேசுவரர் என்கிற ஸ்ரீ கை வழங்கீசனாரின் திருவருளும்  எம்பிரான் ஸ்ரீ கலிக்கம்பநாயனாரின் குருவருளும் என்றென்றும் துணை நிற்க நாமெல்லாம் ஒன்றிணைந்து மனதார வேண்டி பிரார்த்திப்போமாக...!    🙏

 

🙏 திருச்சிற்றம்பலம் 🙏

🙏 ஓம் நமசிவாய 🙏

🙏 அன்பே சிவம் 🙏

🙏 சர்வம் சிவார்ப்பணம் 🙏

🙏 காக்கும் நாயகி 'ஸ்ரீ கடந்தை நாயகி' என்கிற 'ஸ்ரீ அழகிய காதலி அம்மன்' என்கிற 'ஶ்ரீ ஆமோதனாம்பாள்' உடனுறை எம்பெருமான் 'ஶ்ரீ கைவழங்கீசனார்' என்கிற 'ஶ்ரீ பிரளயகாலேசுவரர்' என்கிற 'ஸ்ரீ சுடர்கொழுந்தீசர்' என்கிற 'ஸ்ரீ தூங்கானைமாடத்து நாதர்' போற்றி போற்றி! 🙏

🙏 ஸ்ரீ அன்பிற்பிரியாள் அம்மன் தாயே போற்றி! 🙏

🙏 மங்கள தேவி ஸ்ரீ கண்ணகி அம்மன் தாயே போற்றி! 🙏

 🙏 வணிகர் குல நாயன்மார்கள் அறுவர் திருவடிகளே சரணம்!  🙏

🙏 எம்பிரான் ஸ்ரீ கலிக்கம்ப நாயனார் திருவடிகளே சரணம்! 🙏

 

என்றென்றும் எம்பிரான் ஸ்ரீ கலிக்கம்பர் வழியின் சிவத்தொண்டில், சிவபக்தியில், சிவநெறியில், சிவ உணர்வில்,  இறைப்பணிகளில், சமயப்பணிகளில் மற்றும் சமுதாயப்பணிகளில்,

 

அடியார்க்கும் அடியேன்,

 

இவண்,

எம்பிரான் #ஸ்ரீ_கலிக்கம்ப_நாயனார் #குல_வழித்தோன்றல்களாகிய #வணிக_வைசிய_வாணியர்_செட்டியார்கள்_சமூக_நிர்வாகத்தினர்

 மற்றும்

எம்பிரான் #ஸ்ரீ_கலிக்கம்ப_நாயனார்_மடாலயம் மற்றும் #பெண்ணாடம்_வாணியர்_சங்கம்

பெண்ணாடம் எம்பிரான் ஸ்ரீ கலிக்கம்ப நாயனார் மடாலயம் & பெண்ணாடம் வாணியர் சங்கம்,
கிழக்கு ராஜ வீதி,
#பெண்ணாடம் அஞ்சல், 
அஞ்சல் குறியீடு- 606 105
#திட்டக்குடி வட்டம்,
#கடலூர் மாவட்டம்,
#தமிழ்நாடு மாநிலம்

இணைய வலைத்தளம்:-

https://tamilvanigavaishyavaniyar.blogspot.com/2023/09/pennadam-emphiran-sri-kalikkamba-nayanar-madalayam-is-owned-by-the-vaniga-vaishya-vaniyar-chettiar-community-who-are-the-clan-descendants-of-sri-kalikkambar.html

🙏🙏🙏🙏🙏🙏🙏🙏🙏🙏🙏🙏🙏🙏🙏🙏🙏🙏🙏🙏🙏🙏🙏🙏

#வணிக_வைசியர் 

#வணிக_வைசியர்_குலம் 

#வணிக_வைசிய_குல_விளக்கம்

#வணிக_வைசிய_வாணியர்_செட்டியார்_குலம்

#வாணிய_செட்டியார்_சமூகம் 

#வாணிய_செட்டியார்_கோத்திரங்கள்

#ஆயிரம்_கோத்திரங்கள் 

#கோத்திரங்கள்  

#வைசிய_வாணிய_ஆயிரவர்_பிரபந்தம்

#வைசிய_புராணம்

#வணிக_வைசிய_வாணியர்_ஆயிரம்_கோத்திரத்தின்_பெயர்கள்

#வைசியர்_ஆயிரங்கோத்திரத்_திருநாமம்

#வணிக_வைசியர்_ஆயிரம்_கோத்திரங்கள் 

#ஆயிரங்கோத்திரத்_திருநாமம்

#வக்குவ_மரபினர்

#வக்குவ_மரபினர்_வணிக_வைசியர்_வாணியர்_செட்டியார்_குலத்தினர்

#ஆயிரங்கோத்திரவர்

#ஆயிரங்கோத்திரவருமான_வணிக_வைசியர்_வாணியர்_செட்டியார்_குலத்தினர் 

#வக்குவ_மரபினரும்_ஆயிரங்கோத்திரவருமான_வணிக_வைசியர்_வாணியர்_செட்டியார்_குலத்தினர்_சமூகத்தார்கள்

#வணிக_வைசிய_வாணியர்_செட்டியார்_ஆயிரம்_கோத்திரங்கள் 

#வணிக_வைசிய_வாணியர்_செட்டியார்_குலம்_ஆயிரம்_கோத்திரங்கள்

#கோத்திரம்

#வைசியர்களில்_கீர்த்தி_பெற்றவர்கள்

#வைசியர்கள்_ஆயிரவர்களில்_பூர்வம்_கீர்த்தி_பெற்றவர்கள்

#வைசிய_வாணிப_ஆயிரவர்_மாலை

#ஆயிரவரில்_கீர்த்தி_பெற்றவர்களின்_பெயர்"

#வைசிய_வாணிய_கைவளம்

#வந்தியம்மை_வாணிச்சி

#கோவலன்_வாணிபன்

#மணிமேகலை_வாணிச்சி

#சிலப்பதிகாரம்

#இயற்பகை_வாணிபன்

#அமர்நீதி_வாணிபன்

#திருவெண்காடார் (#பட்டிணத்தார்) வாணிபர்

#கலியனார் வாணிபர்

#மங்கள தேவி #கண்ணகி வாணிச்சி

#காரைக்கால்_அம்மையார் வாணிச்சி

#கலிக்கம்பர் வாணிபர்

மும்மையால் உலகாண்ட #மூர்த்தியார் வாணிபர்

ஸ்ரீ #அன்புப்பிரியாள் வாணிச்சி

#ஸ்ரீ_அன்புப்பிரியாள்_அம்மன்

#திருவிடைமருதூர்_அன்புப்பிரியாள்_அம்மன்

#இயற்பகை_நாயனார்

#அமர்நீதி_நாயனார்

#கலிய_நாயனார்

#காரைக்கால்_அம்மையார்

#கலிக்கம்ப_நாயனார்

#மூர்த்தி_நாயனார்