🗣️📣📢 வணிக வைசிய வாணியர் செட்டியார் குலப் பழமொழிகள் 📝📚 - 🗣️📣📢 VANIGA VAISHYA VANIYAR CHETTIYAR KULA PAZHAMOZHIGAL 📝📚 - 🗣️📣📢 Vaniga Vaishya Vaniyar Chettiyar Clan Proverbs 📝📚

 

வணிக வைசிய 

"வாணியர் செட்டியார்" 

குலப் பழமொழிகள்

 

பழமொழிகள் சமுதாயத்தின் மக்களிடையே ஓழுக்கங்களை போதிக்கவல்லது என்றும் அது மனித மனத்தை பண்படுத்தவல்லது என்றும் நாம் கருதுகிறோம்.

பழமொழிகள் யாவும் மக்களின் அனுபவக் குரலாக ஒலிக்கின்றன. பழமொழிகள் சமுதாயத்தில் வாழும் மக்களின் பழக்கவழக்கங்கள், பண்பாட்டுக் கோலங்கள், சமூக-சாதி உணர்வுகள், தொழில்கள் ஆகியவற்றைக் காட்டும் கண்ணாடியாக விளங்குகின்றன. சமுதாய வாழ்வின் பொதுவான போற்றுதல்களையும் தூற்றுதல்களையும் விளக்கிக் கூறுபவைகளாகவும் காணப்படுகின்றன. தமிழகத்தில் உள்ள மக்கள் கூறும் பழமொழிகளிலிருந்து அவர்களின் வாழ்க்கைச் சித்திரத்தை ஓரளவிற்கு ஊகித்துணர முடியும். அவர்களது வாழ்க்கை நெறிமுறைகளையும், குடும்ப நிலைகளையும் ஆய்ந்தறிய பழமொழிகள் பெரிதும் உதவியாக இருக்கின்றன என்பதைத் துணிந்து கூறலாம்.

பழமொழிகள் மக்களின் பண்பாடு கலாசாரத்தை வெளுத்துக் காட்டுபவை (பிரதிபலித்தல்). எல்லா நாடுகளிலும் பல மொழிகளிலும் பழமொழிகள் உண்டு. நம் இந்தியாவில் பழமொழிகளுக்கென தனி அகராதியே போடலாம். தமிழ்நாட்டில் பழமொழிகள் என்பது தனி இலக்கியம் என்ற அளவில் எண்ணிக்கையில் இருக்கிறது. பழமொழிகள் தத்துவங்கள் சொல்வதும் உண்டு, சாடுவதும் உண்டு.

"உப்பில்லாப் பண்டம் குப்பையிலே" என்பது பழமொழி - இது தத்துவம் சார்ந்தது.

"சுக்கு கால் பணம் சுமைகூலி முக்கால் பணம்" என்பது பழமொழி - இது சாடல் வகை.

பழமொழிகள் பெருவாரியாக (அதிகம்) சாடுவதற்கென்றே உருவாக்கப்பட்டு இருக்கின்றன. தமிழகத்தில் சாதிகளுக்கு பஞ்சமில்லை. உயர்த்தி தாழ்த்திச் சொல்ல என்பதில் பெரும்பாலும் தாழ்த்திச் சொல்லவே பழமொழிகள் பெருவாரியாக பயன்பட்டு வந்திருக்கிறது. ஐம்பது நூற்றாண்டுகளுக்கு முன்புவரை இத்தகைய பழமொழிகள் புழங்குவது மிகவும் இயல்பு. தற்பொழுது சாதியைச் சாடும் பழமொழிகளை சிலவற்றைத் தவிர மற்றவற்றையெல்லாம் மக்கள் மனதில் இருந்து மறைந்து போய்விட்டது.

இந்தியாவில் மொழியினால் மட்டுமின்றி, ஒவ்வொரு மொழியினரும் சாதி எனும் தடுப்புச் சுவரால் பிரிக்கப்பட்டு வாழ்ந்து வருகின்றனர். ஒவ்வொரு சாதியினரும் தங்கள் சாதியை உயர்த்தியும் பிறர் சாதியினரை தூற்றியும் வந்துள்ளனர். ஒவ்வொரு சாதியினரும் தனி தனிப்பிரிவுகளாக வாழ்ந்து, மற்ற சாதியில் வாழும் மக்களை ஒதுக்கியே வாழ்ந்து வந்திருக்கின்றனர். சாதியினைக் கொண்டே அம்மக்களின் பழக்க வழக்கங்களை அறியும் வண்ணம் பாகுபடுத்திப் பிரிக்கின்றனர். "சாதிக்குத் தக்க புத்தி, குலத்துக்கு தக்க ஆசாரம்" என்னும் பழமொழி மக்களிடையே அறிவு வேறுபாடும் சாதியினால் உண்டாகிறது என்பதை விளக்குகிறது. ஒவ்வொரு சாதியை சேர்ந்த மக்களும் மற்ற சாதி மக்களைத் தாக்கும் வழக்கத்தை பழமொழிகள் மூலம் வெளியிடுகின்றனர். அதே சமயத்தில் பிற சாதியினரிடத்தில் காணப்படும் உயர்ந்த பண்புகளைப் புகழாமலும் இருந்து விடவில்லை. அவர்களது அனுபவ மொழிகள் முழுதும் உண்மையெனக் கூறாவிட்டாலும், ஓரளவு உண்மை இருக்கிறதென்பதையும் மறுக்க இயலாது.

தமிழில் காணப்படும் சாதிப் பழமொழிகளைக் காணும்போது உயர்ந்த சாதி, தாழ்ந்த சாதி என்ற பாகுபாடின்றி அனைத்துச் சாதியினரைப் பற்றியும் பழமொழிகள் காணப்படுகின்றன. பெரும்பாலான பழமொழிகள் மற்ற சாதியினரிடையே காணப்படும் குறைகளை சுட்டிக்காட்டும் வகையில் அமைந்துள்ளன. தமிழில் காணப்படும் பழமொழிகள்  எல்லா சாதியினரைப் பற்றியும் எடுத்துரைக்கின்றன. அவைகளுக்குள் புகுந்து பார்க்கும்போது, இத்தனை வேறுபாடுகளும் உட்பூசல்களும், நம் மக்களிடையே காணப்படுகின்றனவா என்று தோன்றுகிறது. "ஆயிரம் உண்டிங்கு சாதி" என்று மகாகவி பாரதி கூறிய வாக்கு உண்மையென்று பறைசாற்றிக் கொண்டு இப்பழமொழிகள் திகழ்கின்றன.

செட்டியார்:-

இச்சாதியைச் சேர்ந்தவர்கள் பண விஷயத்தில் மிகவும் சிக்கனமான பேர்வழிகள் என்று பொதுவாகச் சொல்வதுண்டு. இவர்களது பணம் சம்பாதிக்கும் திறனும் பாராட்டுக்குரிய பண்பாகும். இவர்கள் பண்பைக் குறிக்கும் வகையில் "ஆதாயம் இல்லாமல் ... ஆற்றோடு போவானா" "ஆதாயமில்லாமல் ஆற்றைக் கட்டி இறைப்பானா" என்ற பழமொழிகள் வழங்குகின்றன. "போன இடமெல்லாம் வட்டம் காற்பணம்" என்ற பழமொழிகளும் அவர்களது பொருள் ஈட்டும் திறனைக் காட்டுகின்றன. மறைமுகமாக இவ்வாறு கூறினாலும் இச்சாதியினரைப் பற்றி புகழ்ந்துரைகளையும் காண்கிறோம். "செட்டி பிள்ளையோ கெட்டிப்பிள்ளையோ" ... "செட்டியார் மிடுக்கோ?, சரக்கு மிடுக்கோ?" போன்ற பழமொழிகள் அவர்களது தொழிற் திறமைகளை பாராட்டுகின்றன.

தனித் தனிப்பிரிவினராக ஒதுங்கியே வாழ்ந்த மக்கள் சாதியின் பெயரால் தங்களுக்கிடையே ஒரு முட்டுக்கட்டையை வளர்த்துக் கொண்டுள்ளனர். இவ்வளவு வேகமாகவும் விறு விறுப்பாகவும் ஒருவரையொருவர் பழித்துக் கொண்டு எவ்வாறு வாழ்ந்தனர் என்பது வியப்பிற்குரிய ஒன்றாகும். இவ்வாறு பழிப்புரைகளிடையே உயர்வு, தாழ்வு என்ற எண்ணம் இடையில் புகுந்து நிற்கின்றது. இன்னும் இந்த இழி நிலை நீங்காது தொடர்வதை காணும்போது இன்னும் நாம் வளரவில்லையோ என்று நம்மை நாமே கேட்கத்தோன்றுகிறது. ஒவ்வொரு மனிதனும் தனது சாதியினுள் ஐக்கியமாகிவிடுகின்றான். முற்றும் துறந்த சன்யாசிகள் முதற்கொண்டு அனைவருக்கும் இந்த பற்றுதல் விடாது என்பதைப் பழமொழிகள் உணர்த்துகின்றன. "சன்யாசிக்கு சாதி மானம் போகாது", "சாதி மானமும், சமய மானமும் சன்யாசிக்கு உண்டு" என்ற பழமொழிகள் இந்த உண்மையை தெரிவிக்கின்றன.

ஒரு சமுதாயத்தின் படிப்பினைகளாக விளங்கக்கூடிய பழமொழிகள் மக்களின் மனதை படம் பிடித்துக் காட்டுகின்றன. தமிழில் காணப்படும் பழமொழிகள் தமிழக மக்களின் அனுபவக் குரலாக விளங்குகின்றன. சமுதாயத்தில் காணப்படும் சாதிமுறைகள் மக்களை எவ்வாறு பாதித்தன என்பதை உணர்த்துகின்றன. பலவித வேற்றுமைகளினுள்ளும் ஒருமித்த மனத்துடன் காலங்காலமாக வாழ்ந்து, வளர்ந்து வரும் சமுதாயத்தில் இச்சாதிப் பூசல்கள் மறைமுகமாகவே இவர்கள் வாழ்க்கையை பாதிக்கின்றன. 

பழமொழிகள் ஒரு சமுதாயத்திலே நீண்ட காலமாகப் புழக்கத்தில் இருந்து வரும் அனுபவக் குறிப்புகள் ஆகும். தமிழ் மொழி பேசுபவர்களிடையே வழக்கத்தில் உள்ள தமிழ்ப் பழமொழிகள்.

பழமொழி என்றால் என்ன அதன் வகைகள்?

பழமொழிகள் ஒரு சமுதாயத்தின் பழமையான சிந்தனையும், அறிவுச் சொத்தும், நீண்ட காலமாகப் புழக்கத்தில் இருந்து வரும் அனுபவக் குறிப்புகளும் ஆகும். பழமொழிகள் அச்சமுதாயத்தினரின் அனுபவ முதிர்ச்சியையும் அறிவுக் கூர்மையையும் எடுத்து விளக்குவதாக அமைகின்றன. இவை பெரும்பாலும் பதிவு செய்யப்படாத வாய்மொழி வழக்காகவும், நாட்டுப்புறவியலின் ஒரு கூறாகவும் அமைகின்றன. எடுத்துக்கொண்ட பொருளைச் சுருக்கமாகவும் தெளிவுடனும் சுவையுடனும் பழமொழிகள் விளங்க வைக்கின்றன.

பழமொழி என்பதன் வேறு பெயர் என்ன?

`பழமொழி` என்ற பெயரிற்குரிய காரணங்களாக மக்களின் பழக்கத்திலிருந்து வரும் மொழி, பழைய (முது) மொழி என்பன காணப்படுகின்றன. பழமொழியானது பழஞ்சொல், சொலவடை, சொலவாந்திரம், முதுசொல், முதுமொழி எனப் பல பெயர்களில் அழைக்கப்படும்.

தமிழ் பழமொழிகள் என்பது நமது கலாச்சாரத்தோடு பல்வேறு வகையில் தொடர்புடையதாகவும் அதே சமயம் பல கருத்துக்களை கொண்டதாகவும் இருக்கும். நமது முன்னோர்கள் அழகிய பல தமிழ் சொற்களை அறிவு சார் பொருள் தரும் வகையில் கோர்த்து அதை நமக்கு பழமொழிகளாக அளித்துள்ளனர். இன்றளவும் பல கிராமங்களில் தமிழ் பழமொழிகள் புழக்கத்தில் உள்ளன.

நம் மக்கள் எதற்கு எதை பயன்படுத்த வேண்டுமோ, அதற்கு அதை பயன்படுத்தாமல், வேறு ஒரு விஷயத்துக்கு பயன்படுத்துவார்கள். கிராமபுறங்களில் ஒரு சில செய்கையை குறிக்கவும், அதன் மூலம் கருத்து சொல்லவும், விழிப்புணர்வு ஏற்படுத்தவும் நம் முன்னோர்கள், பழமொழிகளை சொல்லி வந்தனர்.

பழமொழி என்பது ஏதாவது ஒரு செய்கையை குறிக்கவோ, ஒரு செயலுக்கு விளக்கம் தரவோ சொல்லப்படுகிறது. பழமொழிகள் அனுபவத்துடன் சேர்த்து, அறிவுரையும் சொல்லும்.

வழக்காற்றில் இருக்கும் பல பழமொழிகளுக்கு அதற்குரிய அர்த்தங்கள் சொல்லப்படாமல், நாளடைவில் மருவி வேறு ஏதோ அர்த்தங்கள் சொல்லப்படுகிறது. அவ்வாறு சொல்லப்படும் சில பழமொழிகளின் சரியான விளக்கங்களை, பல புத்தகங்களை மற்றும் இணையத்தில் பல பதிவுகளை தேடி படித்து இங்கு பகிரப்படுகிறது.

பழமொழி என்றால் பழமையான மொழி, பழம் போல் இனிக்கும் பொன்மொழி என்று கொள்ளலாம். தொன்று தொட்டு நம் முன்னோர்கள் தங்கள் அனுபவத்தால் உணர்ந்த உண்மைகளை உலகத்தோர் உணரும் பொருட்டு சுருங்கக் கூறி விளங்க வைக்கும் விதத்தில் உதிர்த்த வாய் மொழிகள் பிறருக்கு வழிகாட்டியாக விளங்கியதால் அவை பழமொழி, பொன்மொழி என்று அம்மொழிகளின் பொருளை உணர்ந்து அவற்றின் யதார்த்ததை அனுபவித்தவர் கூறினர்.

மனிதனாக பிறந்த அனைவருடைய வாழ்க்கையிலும் ஏதோ ஒரு எதிர்பார்ப்பு மற்றும் உதவியானது மற்றவரிடம் தேவைப்படுகிறது. இவற்றை எல்லாம் பூர்த்தி செய்ய வேண்டும் என்று நாம் யாரையாவது சார்ந்து இருக்க வேண்டிய நிலைமையானது இருக்கிறது. அதிலும் சிலருக்கு எந்த ஒரு செயலாக இருந்தாலும் மற்றவர் யாராவது  ஊக்கம் அளிக்கும் படி பேசினாலோ அல்லது அறிவுரை கூறினாலோ தான் வெற்றிக்கான அடியை எடுத்து வைக்க வேண்டும் என்ற எண்ணம் தோன்றும். அதற்கு சிலர் எடுத்துக்காட்டாக பழமொழிகளை கூறுவார்கள். 

ஆகையால், இந்த வலைதளப் பக்கத்தில், நம்முடைய தமிழ் மொழியில் இடம் பெற்றுள்ள வணிக வைசிய "வாணியர் செட்டியார்" குலப் பழமொழிகள் பற்றிய பழமொழிகளை பற்றி தான் பார்க்கப் போகிறோம்.

வணிக வைசிய "வாணியர் செட்டியார்" குலப் பழமொழிகள்

       "வைத்தியருக்குக் கொடுக்கிற காசை, வாணியனுக்குக் கொடு"

சரியான எண்ணெயை உணவில் சேர்க்க வேண்டும் என்ற தத்துவத்தை கொண்டே இப்பழமொழி கூறப்பட்டது. வைத்தியருக்கு கொடுக்கும் காசை வாணியனிடம் கொடுத்தால் அவர்கள் வழங்கும் நல்ல எண்ணெயைக்கொண்டே உடலை நோயின்றி பக்குவப்படுத்தலாம் என்பதனை இது தெளிவிக்கின்றது. இதனை வாணியனுக்குக் கொடாதவன் வைத்தியனுக்குக் கொடுப்பான் என்றும் கூறுவர்.

"செக்கானிடம் சிக்கின மாடும் பார்ப்பானிடம் சிக்கிய ஆளும் உருப்படமாட்டார்கள்"

செக்காட்டும் வாணியனிடம் உள்ள மாடு தினமும் செக்கினையே சுத்தி சுத்தி வரும், குறைவான எடையுடைய உலக்கையை இழுத்து பழகியதால்  அதற்குக் சுமை இழுக்கும் திறன் குறைந்து விடும். அம்மாடு விவசாயத்திற்க்கும் நிலம் உழுவதற்க்கும் பயன்படாது போகும். அது போல வைதீகனிடம் சிக்கிய மனிதன், வைதீகனின் பொய்யுரைக்கு மயங்கி, அவன் சொல்வதையெல்லாம் செய்துகொண்டிருப்பான், அவன் உழைப்பு குறைந்து  வேள்வியினால் செல்வம் ஈட்ட முனைவான்.

 

"செக்கில் அரைபட்ட எள்ளுப் போல"

செக்கில் அரைபட்ட எள் போல என்பது துன்பத்தில் உழலும் மனிதனுக்கு உவமையாக கூறப்பட்டது. செக்கில் இடப்பட்ட எள்ளானது, எவ்வாறு தன் இறுதி வடிவமான பிண்ணாக்கு ஆகும் வரை சக்கையாய் ஆட்டி எடுக்கப்படுகின்றதோ, அதுபோல் துன்பத்தில் மாட்டிக்கொண்ட மனிதன், செக்கிலிட்ட எள் போல் இறுதி வரை துன்பப்படுவான்.

 

"செக்கில் அரைபட்ட தேங்காய் பிண்ணாக்கு ஆவது போல" ("பிண்ணாக்கைப் போல" )

ஒன்று பிரிதொன்றாக மாற்றம் பெற்றதை இப்பழமொழி மூலம் விளக்குவர். செக்கில் இடப்படும் தேங்காயானது இறுதியில் தன்னிலை திரிந்து பிண்ணாக்கு என்னும் வடிவத்தை அடைகின்றது. பிண்ணாக்கு மந்த புத்தி உடையோர்க்கு உவமையாக கூறப்படும்.

 

"செக்கில் அரைபட்ட எள் திரும்ப முழுசு ஆகுமா?"

செக்கில் இடப்பட்ட எள்ளானது அரைக்கப்பட்டு பிண்ணாக்கு கட்டிகளாக மாற்றம் பெறும். இழந்த ஒரு வடிவத்தை மீண்டும் பெற இயலாது என்பதனை விளக்கவே இப்பழமொழி கூறப்பட்டது.

 

"செக்கு அடிக்கும் தம்பூருக்கும் ஒத்து வருமா?"

செக்கு அடிக்கும் என்பது செக்கு ஆட்டும் ஒலியையும், தம்பூர் என்பது தம்பூராவின் ஒலியையும் குறிக்கும். செக்காடும் ஓசை கரடுமுரடானது. தம்பூராவின் ஓசை நயம் மிகுந்தது. ஒரு பொதுப்பண்புடைய இருவேறு செயல்களுக்கு விளக்கம் கூற இஃது கூறப்பட்டது.

 

"செக்கு அடி முண்டம் போல உட்கார்ந்திருக்கிறான்"

செக்கு ஆட்டும் இடத்தில் செக்காட்டுவதற்க்கு உதவியாக இருக்கும் ஆளை செக்கடி முண்டன் என்று அழைப்பது வழக்கம். செக்கடி முண்டன் என்பவர் செக்காட்ட உதவி செய்யும் வலிமையான ஏவலாள். செக்கு சுற்றி வரும்போது கீழ் ஆரப்பட்டையில் கல்லோ அல்லது வலிமையான ஆளோ அமர்ந்திருப்பர். அவர்கள் அமர்ந்திருக்கும் நிலையை நீண்ட நேரம் வேலையின்றி அமர்ந்திருக்கும் மனிதரோடு ஒப்பிட இப்பழமொழியை கூறுவர்.

 

"செக்கு அடி முத்தி, எனக்கு என்ன புத்தி?"

எதுகை மோனை நயத்திற்க்காக கூறப்பட்டது இப்பழமொழி செக்கானது முற்றிய அடிமரத்தால் செய்யப்பட்டிருக்கும். அதுபோல் கூறுபவர்க்கு புத்தி பெருத்தா உள்ளது என்று வினவுது போல் உள்ளது.

 

"செக்கு அளவு பொன் இருந்தாலும் செதுக்கி உண்டால் எத்தனை நாளுக்குக் காணும்?"

செக்கு அளவு என்பது குறைந்தது 35 கிலோ முதல் 60 கிலோ வரை கொள் அளவு கொண்டது. செக்கு கொள்ளும் அளவு தங்கம் அல்லது பொன் இருந்தாலும் அதை செதுக்கி உண்டால் கூட  அல்லது சிறுக சிறுக விற்று உண்டால் கூட, நம் வாழ்நாள் முழுதும் கூட உணவளிக்காது. எனவே பாட்டன் சேர்த்த சொத்துகளை அழிக்காமல் சுயமாக உழைத்து உண்ண வேண்டும்.    

"செக்கு உலக்கைப்போல் நிற்கிறான்"

ஏதேனும் ஒரு செயலை செய்ய அழைக்கப்படும்போது அவ்வழைப்பினை சட்டைசெய்யாது நிற்பவனை 'செக்குலக்கை' என அழைப்பது வழக்கம். செக்கின் உலக்கை ஆடாது அசையாது நிற்கும். செக்கின் உரல் மட்டுமே சுற்றி வரும். எனவே சட்டை செய்யாது நிற்பவரை 'செக்குலக்கை' என அழைப்பர்.

 

"செக்கு உலக்கையை விழுங்கினவனுக்குச் சுக்குக் கஷாயம் மருந்து ஆமா?"

"செக்கை விழுங்கிவிட்டுச்‌ சுக்குத்‌ தண்ணீர்‌ குடித்தாற்‌ போல," 

செக்குலக்கை பருத்த அல்லது அதிகமான பருமனுடைய பொருளுக்கு உவமையாக கூறப்படும். செக்குலக்கை அளவு உணவு உண்டவனுக்கு சுக்கு கஷாயம் மருந்து மட்டும் செரிப்பதற்க்கு போதாது. இதனை வேறு விதமாகவும் கூறுவர். தின்றவனுக்கு, சுக்குக் கஷாயம் குடித்தாற் போல என்றும் செக்கை விழுங்கிவிட்டுச் சுக்குத் தண்ணிர் குடித்தாற் போல என்றும் கூறுவர்.

 

"செக்கு என்றும் சிவலிங்கம் என்றும் தெரியாதா?"

வேறுபாடு அறியாதவர்களுக்காக கூறப்பட்ட பழமொழி இது. செக்கும் சிவலிங்கமும் வடிவொத்தவை. ஆயினும் வேறுபாடு உண்டு. இதனை செக்குக்கும் சிவலிங்கத்துக்கும் வித்தியாசம் தெரியாதவன் என்றும் கூறுவர்.

 

"செக்குக் கண்ட இடத்தில் எண்ணெய் தேய்த்துச் சுக்குக் கடை இடத்தில் பிள்ளை பெறுவது"              ( "தலை முழுகிப் பிள்ளை பெறலாமா?" )

செய்யும் செயல்களை அவ்விடத்திற்க்கு தொடர்புப்படுத்தி கூறுவதும் உண்டு. ஒரு பொருளைக்கண்ட அதே இடத்தில் அப்பொருளை அடைய நினைப்பது தவறு எனபதனை இப்பழமொழி சுட்டுகின்றது.  

 

"செக்குக்கு ஏற்ற சிவலிங்கம்"   

"செக்குக்கும்‌ சிவலிங்கத்துக்கும்‌ வித்தியாசம்‌ தெரியாதவன்‌"

"செக்கும்‌ சிவலிங்கமும்‌ தெரியாதா?" 

ஒருவருக்கு அல்லது ஒரு செயலுக்கு சார்பெடுத்து பேசுவோரை செக்குக்கு ஏற்ற சிவலிங்கம் என வருணிப்பதுண்டு. ஜால்ரா அடிப்போர் என வட்டார வழக்குகளில் கூறுவதுண்டு. 

"செக்குக்கு மாட்டுக்கு கொடுத்தாலும் கொடுக்கலாம்; சீவலப்பேரியில் பெண் கொடுக்கக் கூடாது"

சீவலப்பேரியில் பெண்கொடுத்தோர்களால் சொல்லப்பட்டது.

      "செக்குமாட்டைக் காலையிலே கட்டினாற் போல"

       செக்கு மாடானது அதிகாலை முதல் நண்பகல் வரை செக்கடியில் சுற்றிவரும். அதுபோல ஒரே இடத்தை சுற்றி சுற்றி வருபவனையும், அடம்பிடிப்பவனையும் இப்பழமொழி கொண்டு உணர்த்துவர்.

      "செக்குமாடு போல் உழைக்கிறான்"

     உழைப்பின் பெருமையை உணர்த்த இப்பழமொழி கூறப்பட்டுள்ளது.

 

   "செக்கை வளைய வரும் எருதுகளைப் போல்" ("வாணியர்கள் ஆடும் செக்கை வளைய வரும் எருதுகள் போல" )

    செக்கடியில் இருக்கும் எருது செக்கினை மையமாய்க் கொண்டு சுற்றி வருவது போல, குறிக்கோளை அடைய, விடாது போராடுபவனையும் இது குறிக்கும்.

 

       "கம்மாளன் எடுக்காத சிக்கலை வாணியன் எடுப்பான்"                    

    கம்மாளர் என்போர் தட்டான்கள். தட்டான்களால் தீர்க்க இயலாத சிக்கல்களையும், வாணியர்கள் தீர்த்து வைப்பர் என்று பொருள்.

    "ஊர் கூடிச் செக்குத் தள்ள, வாணியன் எண்ணெய் கொண்டு போக’ ஊர் கூடித்தானே தேர் இழுக்க வேண்டும்? ஊர் கோப்பழிந்தால் ஓடிப் பிழை".

ஊர் மக்கள் ஒன்றுகூடினால் மட்டுமே தேரை இழுக்க முடியும் அதுபோல ஊர் ஒத்துழைத்தால் மட்டுமே செக்காட்ட முடியும். ஊர் கட்டுப்பாடு இழந்தால் செக்கினை ஆட்ட இயலாது. எனவே பிற ஊர் சென்று தான்  ஓடிப்பிழைக்க வேண்டும் என்று பழமொழி கூறுகின்றது.

 

"வாணியக் கட்டை வைரக் கட்டை, தேயத் தேயத் துடைப்பக் கட்டை"

வாணியக்கட்டை என்பது மரச்செக்கினைக் குறிக்கும். அம்மரச்செக்கானது தேய்ந்துவிட்டால் துடைப்பமாக்கூட பயன்படுத்த இயலாது. அது அடுப்பெரிக்க மட்டுமே பயன்படும்.

 

"வாணியன் ஆசை கோணியும் கொள்ளாது"

வாணியர்கள் அக்காலத்தில் செக்கினை ஆடுவதற்க்கு பிண்ணாக்கினையே கூலியாக பெற்றனர். எனவே நாணயங்கள் பெறுவது அரிதான செயல், செட்டிமக்கள் ஆதலால் போருள் சேர்க்க எண்ணுவது இயல்பு. வாணியர்கள் எண்ணையும் பிண்ணாக்கும் விற்று பொருள் சேர்க்க காணும் கனவானது கோணிப்பை கூடக் கொள்ளாது என்பர்.

"வாணியன் கையில் மண்ணும் குயவன் கையில் எண்ணெயும் கொடுத்தது போல"

அவரவர் அறிந்த வேலையை மட்டுமே, அவரவர் செய்ய வேண்டும். வாணியன் கையில் மண்ணைக்கொடுத்து பானை வனையச்சொன்னால் வனைய இயலுமா? அவரவர் அறிந்த வேலைகளைச் செய்வதே சிறப்பு.

 

"வாணியனுக்கு ஒரு காலம்: சேணியனுக்கு ஒரு காலம். வாணியனோடும் வழக்கு: சேணியனோடும் வழக்கு," 

   "யானைக்கு ஒரு காலம் பூனைக்கு ஒரு காலம்" என்பது பின்னர் வந்த பழமொழியே. இதற்கு முன் மேற்கூறப்பட்ட பழமொழியே இருந்தது. இங்கு சேணியன் என்று குறிக்கப்பெறுபவர் ஆடைநெய்வோர் இனம் ஆகும். வலுத்தோர்க்கு ஒரு காலம் என்றால் இளைத்தோர்க்கு ஒரு காலம் வரும் என்பதனை இது குறிக்கின்றது.

   வாணியனோடும் வழக்கு, சேணியனோடும் வழக்கு என்பது தத்தம் குல வழக்கங்களை குறித்தது. தமிழகத்தில் அனைத்து தொழிற்குலங்களுக்கும் ஓர் தனி குல வழக்கம் உண்டு என்பதனை கூறவே இப்பழமொழி.

     

     "வாணியர்க்கு அழகு வாணிபஞ்செய்து பழகுதல்"

 வாணியர் என்பது இங்கு வணிகர்களையும் வாணியர்களையும் குறிக்கும்.  வாணியர்கள் வாணிபஞ்செய்து பழகுதலே தன் குலத்திற்க்கு பெருமையாம்.

 

     "வாணியன் உறவு கோணிக்கிடங்கு"                                                        

    வாணியர்கள் அக மண கட்டுப்பாடு உடையவர்கள். வாணியர்கள் தம் ஊரில் உள்ள உறவுகளுக்குள்ளே மட்டும் திருமணம் செய்வர். வாணியர்கள் வெளியூர்கள் சென்று திருமணம் செய்யும் பழக்கம் கடந்த ஐம்பது அல்லது அறுபது ஆண்டுக்குள்ளாகவே தான் இருந்து வருகின்றது. அத்தை மகள், அத்தை மகன் , அக்காள் மகன் அல்லது மகள், மாமன் மகள் அல்லது மாமன் மகன்களைத் திருமணம் செய்யும் வழக்கம் உடையோர். எனவே உறவுகளுக்குள்ளேயே திருமணம் செய்வதால் வாணியன் உறவு கோணிக்கிடங்கு என கூறுவர்.                                                                                      

  

 "செக்கு நக்குகிற தம்பிரானே, உன் திருவடிக்குத் தண்டம்; அந்தண்டை நக்குடா பிள்ளாய்; ஐசுவரியம் பெருகி இருப்பாய்,"  

                                                                                 &

     "செக்கு நக்குகிற தம்பிரானே, தண்டம்; நீ தென்புறம் நக்கு: நான் வடபுறம் நக்குகிறேன்".

  இவ்விரு பழமொழிகளும் ஆண்டையினை அண்டிப்பிழைத்து தான் வாழ வேண்டும், அவ்வாறு வாணியன் அண்டிப்பிழைத்தால் ஐசுவரியம் பெருகி இருப்பான் என வாணியர்களை ஆண்டைக்கு அடிமைகளாய் வாழச் சொல்லிய பழமொழிகள்.   

 

வாணியர் செட்டியார் பழமொழிகள்

செட்டிக்கு இறுத்துப் பைக்கும் இறுத்தேன். (+ துலுக்கச்சிக்கு எதற்கு உருக்கு மணி!)

செட்டிக்கு உறக்கம் உண்டு; வட்டிக்கு உறக்கம் இல்லை.

செட்டிக்கு எதற்குச் செம்புச் சனியன்?

செட்டிக்கு ஏன் சென்மச் சனியன்?

செட்டிக்கு ஒரு சந்தை; திருடனுக்கு ஓர் அமாவாசை.

செட்டிக்கு ஒரு தட்டு; சேவகனுக்கு ஒரு வெட்டு.

செட்டிக்குத் தெற்குச் செம்புச் சனியன்.

செட்டிக்கும் பயிருக்கும் சென்மப் பகை.

செட்டிக்கும் மட்டிக்கும் சென்மப் பகை.

செட்டிக்கு வேளாண்மை சென்மப் பகை.

செட்டி கப்பலுக்குச் செந்தூரான் துணை.(காப்பு.)

செட்டிகள் மாடு மலை ஏறி மேயுமா?

செட்டி கூடிக் கெட்டான்; சேணியன் பிரிந்து கெட்டான்.

செட்டி கெட்டால் பட்டு உடுத்துவான். (கெட்டும், உடுப்பான்.)

செட்டி கொடுத்துக் கெட்டான்.

செட்டி சிதம்பரம்,

செட்டி சுற்றாமல் கெட்டான்; தட்டான் தட்டாமல் கெட்டான்.

செட்டி நீட்டம் குடி தலையிலே.

செட்டி நட்டம் தட்டானில்; தட்டான் நட்டம் ஊர்மேலே. (யாழ்ப்பாண வழக்கு.)

செட்டிப் பிள்ளையோ? கெட்டிப் பிள்ளையோ!

செட்டி பட்டினி, கால்பணம் சொட்டினான்.

செட்டி படை வெட்டாது; செத்த பாம்பு கொத்தாது.

செட்டி படை வெல்லுமா? சேற்றுத் தவளை கடிக்குமா?

செட்டி பணத்தைக் குறைத்தான்; சேணியன் நூலைக் குறைத்தான்.

செட்டி பிள்ளை கெட்டி.

செட்டி புறப்படப் பட்டணம் முடியும்.

செட்டி போன இடம் எல்லாம் வட்டம் காற்பணம்.

செட்டி மகன் கப்பலுக்குச் செந்துாரான் துணை.

செட்டி முறை எட்டு முறை; எட்டு முறையும் கெட்ட முறை. (நாஞ்சில் நாட்டு வழக்கு.)

செட்டியார் கப்பலுக்குத் தெய்வமே துணை. (செந்துாரான்.)

செட்டியார் பிணம் சீத்தென்று போயிற்று.

செட்டியார் பிள்ளை செல்லப் பிள்ளை ஆனால் படைக்குப் போகிற நாயக்கரைப் பயமுறுத்தலாமா?

செட்டியார் மிடுக்கா? சரக்கு மிடுக்கா? (முடுக்கா? + அம்மி முடுக்கா, அரைப்பு முடுக்கா?)

செட்டியார் வாழ்வு செத்தால் தெரியும். (செத்தால்தான்.)

செட்டியாருக்கு ஒரு காலம்; சேவகனுக்கு ஒரு காலம்.

செட்டியாரே, செட்டியாரே என்றால் சீரகம் மணக்கிறது என்பாள். 

செட்டியாரே, செட்டியாரே என்றால் சீரகம் பண எடை முக்காற் பணம் என்கிறான்.

செட்டியாரே, வாரும்; சந்தையை ஒப்புக் கொள்ளும்.

செட்டியும் தட்டானும் ஒன்று; கட்டிப் புரண்டாலும் தனி.

செட்டியை நீலி தொடர்ந்தது போல. (நீலி கதை.)

செட்டி வீட்டு நாய் சேர் காத்திருந்தது போல.

செட்டி வீட்டு நாயும் கணக்குப் பார்த்துக் கடிக்கும்.

செட்டி வெள்ளரிக்காய் என்றால் நரி நொட்டை விட்டுத் தின்னுமாம்.

செட்டிக்கும் மட்டிக்கும் சென்மப் பகை.

செட்டி கூடிக் கெட்டான் சேணியன் பிரிந்து கெட்டான்.

செட்டி பணத்தைக் குறைத்தான், சேணியன் காலைக் குறைத்தான்.

செட்டி சிங்காரிக்கிறதுக்குள்ளே பட்டணம் பறிபோகிறது.

செட்டியாரே செட்டியாரே என்றால், சீரகம் பணஎடை முக்காற் பணம் என்கிறார்.

செட்டி வீட்டில் பணம் இருக்கிறது, ஆலமரத்தில் பேய் இருக்கிறது.

செட்டிகள் மாடு மலை ஏறி மேயுமா?

செட்டியாரே வாரும் சந்தையை ஒப்புக்கொள்ளும். 

செக்குமாட்டைக்‌ கவலையிலே கட்டினாற்‌ போல.

செக்குமாடு போல்‌ உழைக்கிறான்‌. 

செட்டி சிங்காரிக்கிறத்துக்குள்ளே பட்டணமே பறி போகுமாம்.

பிண்ணாக்குத்‌ தராவிட்டால்‌ செக்கிலே பேளுவேன்‌.

பிண்ணாக்குத்‌ தின்பாரைச்‌ சுண்ணாம்பு கேட்டால்‌ வருமா? 

செட்டிப் பிள்ளையோ? கெட்டிப் பிள்ளையோ!

👉       - வணிக வைசிய "வாணியர் செட்டியார்" குலப் பழமொழிகள் முற்றிற்று -       👈

                   🙏🙏🙏🙏🙏🙏🙏🙏🙏🙏🙏

நாம் அனைவரும், 

"வக்குவ மரபினரும்", "ஆயிரங்கோத்திரவருமான", "வணிக வைசியர் வாணியர் செட்டியார் குலத்தினர் / சமூகத்தார்கள்" 

என்பதை என்றும் மறவாதீர்கள்.    🙏

சந்ததினருக்கு மறவாமல் சொல்லுங்கள். 🙏

வாழ்க வளர்க வளமுடன் பல்லாண்டுகள் என்றென்றும்.....!🙏

🙏எல்லாம் வல்ல இறைவன் ஸ்ரீ பிரளயகாலேசுவரர் என்கிற ஸ்ரீ கை வழங்கீசனாரின் திருவருளும்  எம்பிரான் ஸ்ரீ கலிக்கம்பநாயனாரின் குருவருளும் என்றென்றும் துணை நிற்க நாமெல்லாம் ஒன்றிணைந்து மனதார வேண்டி பிரார்த்திப்போமாக...!    🙏

 🙏 திருச்சிற்றம்பலம் 🙏

🙏 ஓம் நமசிவாய 🙏

🙏 அன்பே சிவம் 🙏

🙏 சர்வம் சிவார்ப்பணம் 🙏

🙏 காக்கும் நாயகி 'ஸ்ரீ கடந்தை நாயகி' என்கிற 'ஸ்ரீ அழகிய காதலி அம்மன்' என்கிற 'ஶ்ரீ ஆமோதனாம்பாள்' உடனுறை எம்பெருமான் 'ஶ்ரீ கைவழங்கீசனார்' என்கிற 'ஶ்ரீ பிரளயகாலேசுவரர்' என்கிற 'ஸ்ரீ சுடர்கொழுந்தீசர்' என்கிற 'ஸ்ரீ தூங்கானைமாடத்து நாதர்' போற்றி போற்றி! 🙏

🙏 ஸ்ரீ அன்பிற்பிரியாள் அம்மன் தாயே போற்றி! 🙏

🙏 மங்கள தேவி ஸ்ரீ கண்ணகி அம்மன் தாயே போற்றி! 🙏

 🙏 வணிகர் குல நாயன்மார்கள் அறுவர் திருவடிகளே சரணம்!  🙏

🙏 எம்பிரான் ஸ்ரீ கலிக்கம்ப நாயனார் திருவடிகளே சரணம்! 🙏

என்றென்றும் எம்பிரான் ஸ்ரீ கலிக்கம்பர் வழியின் சிவத்தொண்டில், சிவபக்தியில், சிவநெறியில், சிவ உணர்வில்,  இறைப்பணிகளில், சமயப்பணிகளில் மற்றும் சமுதாயப்பணிகளில்,

அடியார்க்கும் அடியேன்,

இவண்,

பெண்ணாடம் எம்பிரான் #ஸ்ரீ_கலிக்கம்ப_நாயனார்_மடாலயம் மற்றும் #பெண்ணாடம்_வாணியர்_சங்கம்

 மற்றும்

எம்பிரான் #ஸ்ரீ_கலிக்கம்ப_நாயனார்_குல_வழித்தோன்றல்களாகிய_வணிக_வைசிய_வாணியர்_செட்டியார்கள்_சமூக_நிர்வாகத்தினர்

பெண்ணாடம் எம்பிரான் ஸ்ரீ கலிக்கம்ப நாயனார் மடாலயம் & பெண்ணாடம் வாணியர் சங்கம்,

கிழக்கு ராஜ வீதி,

#பெண்ணாடம் அஞ்சல், 

#அஞ்சல் குறியீடு - 606 105

#திட்டக்குடி வட்டம்,

#கடலூர் மாவட்டம்,

#தமிழ்நாடு மாநிலம்

இணைய வலைத்தளம்:-

https://tamilvanigavaishyavaniyar.blogspot.com/2023/09/pennadam-emphiran-sri-kalikkamba-nayanar-madalayam-is-owned-by-the-vaniga-vaishya-vaniyar-chettiar-community-who-are-the-clan-descendants-of-sri-kalikkambar.html

🙏🙏🙏🙏🙏🙏🙏🙏🙏🙏🙏🙏🙏🙏🙏🙏🙏🙏🙏🙏🙏🙏🙏🙏🙏🙏🙏🙏🙏🙏🙏🙏🙏🙏🙏🙏🙏🙏🙏

🌻🌻🌻🌻🌻🌻🌻🌻🌻🌻🌻🌻🌻🌻🌻🌻🌻🌻🌻🌻🌻🌻🌻🌻🌻🌻🌻🌻🌻🌻🌻🌻🌻🌻🌻🌻🌻🌻🌻🌻🌻🌻🌻

🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹

🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺

#வணிக_வைசிய_வாணியர்_செட்டியார்_குலப்_பழமொழிகள்

#வாணியர்_செட்டியார்_பழமொழிகள்

#செட்டியார்_பழமொழிகள்

#வாணியர்_பழமொழிகள்

#வணிகர்_பழமொழிகள்

#VANIGA_VAISHYA_VANIYAR_CHETTIYAR_KULA_PAZHAMOZHIGAL 

#VANIYAR_CHETTIYAR_PAZHAMOZHIGAL

#CHETTIYAR_PAZHAMOZHIGAL

#VANIGAR_PAZHAMOZHIGAL

#Vaniga_Vaishya_Vaniyar_Chettiyar_Clan_Proverbs

#Chettiyar_Proverbs

#Vanigar_Proverbs

#Vaniyar_Proverbs

#வணிக_வைசியர் 

#வணிக_வைசியர்_குலம் 

#வணிக_வைசிய_குல_விளக்கம்

#வணிக_வைசிய_வாணியர்_செட்டியார்_குலம்

#வாணிய_செட்டியார்_சமூகம் 

#வாணிய_செட்டியார்_கோத்திரங்கள்

#ஆயிரம்_கோத்திரங்கள் 

#கோத்திரங்கள்  

#வைசிய_வாணிய_ஆயிரவர்_பிரபந்தம்

#வைசிய_புராணம்

#வணிக_வைசிய_வாணியர்_ஆயிரம்_கோத்திரத்தின்_பெயர்கள்

#வைசியர்_ஆயிரங்கோத்திரத்_திருநாமம்

#வணிக_வைசியர்_ஆயிரம்_கோத்திரங்கள் 

#ஆயிரங்கோத்திரத்_திருநாமம்

#வக்குவ_மரபினர்

#வக்குவ_மரபினர்_வணிக_வைசியர்_வாணியர்_செட்டியார்_குலத்தினர்

#ஆயிரங்கோத்திரவர்

#ஆயிரங்கோத்திரவருமான_வணிக_வைசியர்_வாணியர்_செட்டியார்_குலத்தினர் 

#வக்குவ_மரபினரும்_ஆயிரங்கோத்திரவருமான_வணிக_வைசியர்_வாணியர்_செட்டியார்_குலத்தினர்_சமூகத்தார்கள்

#வணிக_வைசிய_வாணியர்_செட்டியார்_ஆயிரம்_கோத்திரங்கள் 

#வணிக_வைசிய_வாணியர்_செட்டியார்_குலம்_ஆயிரம்_கோத்திரங்கள்

#கோத்திரம்

#வைசியர்களில்_கீர்த்தி_பெற்றவர்கள்

#வைசியர்கள்_ஆயிரவர்களில்_பூர்வம்_கீர்த்தி_பெற்றவர்கள்

#வைசிய_வாணிப_ஆயிரவர்_மாலை

#ஆயிரவரில்_கீர்த்தி_பெற்றவர்களின்_பெயர்"

#வைசிய_வாணிய_கைவளம்

#கலிக்கம்ப_நாயனார்_மடாலயம்  

#கலிக்கம்ப_நாயனார்_திருமடம் 

#கலிக்கம்ப_நாயனார்_மடாலய_திருக்கோயில்

#எம்பிரான்_ஸ்ரீ_கலிக்கம்ப_நாயனாரின்_குல_வழித்தோன்றல்களாகிய_வணிக_வைசிய_வாணியர்_செட்டியார்கள்_சமூகத்தார்கள்_நிர்வாகத்தினர்கள்

#பெண்ணாடம்_வாணியர்_சங்கம்

#பெண்ணாடம்_வாழ்_வாணியர்_செட்டியார்_சமூக_ மக்கள்

#பெண்ணாடம்_வாழ்_வாணியர்_செட்டியார்கள்_சமூகத்தார்கள்

#கடலூர்

#விருத்தாசலம்

#திட்டக்குடி

#பெண்ணாடம்

#தமிழ்நாடு

#கலிக்கம்ப_நாயனார்

#ஸ்ரீ_கலிக்கம்ப_நாயனார்

#எம்பிரான்_கலிக்கம்ப_நாயனார்

#KALIKKAMBA NAYANAR

#KALIKAMBA NAYANAR